Эльдар-гьажи
Иржаймайлы болмай эдик, гёргенде
Сени ачыкъ, нюрдей ярыкъ юзюнгню.
Эльдар Гьажи, атынг къалды эсгерме,
Тек гёрмесбиз дагъы энни оьзюнгню.
Аччы хабар ине йимик чанчылып,
Зар юреклер етти ерден ярылды.
Бизин къойдунг сенсиз яшав сюрмеге,
Зор умутлар ягъалардан сырылды.
Масхарангны англай эди бары халкъ,
Яш-уллугъа бир тенг эди къаравунг.
Гьар инсангъа, ювукъ-ят деп къарамай,
Яхшылыкълар эди янгыз ёравунг.
Женнетлерде болсун сени турушунг,
Лап да сыйлы къапулары ачылсын.
Яшавлукъда этген яхшы ишлеринг
Къабурунга шавла болуп чачылсын.
Темировлагъа къайгъырышыв Яхсайдан,
Къайгъыланы бармы мундан авуру.
Амал ёкъгъа буюргъанны гёрмесек,
Юреклеге салсын Аллагь сабурлукъ.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
